پاکستان تحریک انصاف کے چیئرمین عمران خان نے اپوزیشن لیڈرخورشید شاہ کو ڈبل شاہ قرار دیتے ہوئے کہا ہے کہ ڈبل شاہ خورشیدشاہ کے بھی نیب میں کیسز ہیں ،نواز شریف اور خورشید شاہ نے مل کر نیب کے سربراہ کی تقرری کی ،خورشید شاہ کیسے نیب کے سربراہ کی مخالفت کریں گے۔
اسلام آباد ہائی کورٹ بار سے خطاب کرتے ہوئے چیئرمین پی ٹی آئی عمران خان نے کہا کہ جمہوریت ڈی ریل کیے بغیر احتساب چاہتے ہیں ،20 سال سے جدو جہد کررہے ہیں سب سے لڑائی نہ لڑیں تو کیا کریں۔
عمران خان نے کہا کہ پاناما لیکس میں مریم نوازکی آف شور کمپنیاں نکلیں ،وزیراعظم نے پارلیمنٹ میں آکر جھوٹ بولا ،نواز شریف نے کہا2006 میں فلیٹ لیے گئے جبکہ کلثوم نواز نے انٹرویو میں 90 کی دہائی میں فلیٹ لینے کا بتایا۔
چیئرمین پاکستان تحریک انصاف کا کہنا ہے کہ جوڈیشل کمیشن نےالیکشن کمیشن کیخلاف 40 کوتاہیوں کی نشاندہی کی، چار حلقے کھلوانے کو کہامگر نہیں کھولے گئے۔صاف شفاف الیکشن بھی جمہوریت کی بنیاد ہے ،الیکشن ڈکٹیٹر بھی کراتے تھے۔
انہوں نے کہا کہ احتساب اور جمہوریت ایک ہی چیز ہے،ہم پاناما لیکس پر احتساب چاہتے ہیں اورآزاد عدلیہ ہی حکومت کو چیک کر سکتی ہے ۔
عمران خان نے مزید کہا کہ کے پی کی 60 فیصد آبادی کی ہیلتھ انشورنس کر لی گئی ،ڈیڑھ سال میں کے پی کی سو فیصد آبادی کی ہیلتھ انشورنس کردی جائے گی۔
فرمان الہی
نماز کے اوقات
