کراچی (اسٹاف رپورٹر)رینجرز نے بلدیہ ٹاون مشرف کالونی میں کارروائی کرکے مکان میں مدفون بھاری تعداد میں اسلحہ برآمد کر لیاجس میں ،ایک جی تھری،5 سب مشن گن،2 ایٹ ایم ایم رائفل، اور14میگزین سمیت 5 ہزار گولیاں شامل ہیں ترجمان رینجرز کے مطابق یہ اسلحہ شہر میں دہشت گردی میں استعمال ہونا تھا علاوہ ازیں کراچی کے تینوں زون کی پولیس اور سی آئی اے نے گزشتہ چوبیس گھنٹوں کے دوران شہر کے مختلف علاقوں میں52چھاپہ مار کارروائیوں اورمقابلوں کے بعد61ملزمان کوگرفتارکرلیا،گرفتارملزمان میں 2ڈکیت ، غیرقانونی اسلحہ رکھنے کے الزام میں13،امتناعہ منشیات کے مقدمے میں18ملزمان ،20مفرور واشتہاری اوردیگر جرائم میں ملوث12ملزمان شامل ہیں جن کے قبضے سے مختلف اقسام کے15پستول اور بھاری مقدار میں منشیات برآمد ہوئی ہے۔
فرمان الہی
نماز کے اوقات
