کراچی ،ضلع ملیر اور کورنگی میں کوئی ٹراما سینٹر موجود نہیں

کراچی کے ضلع ملیر اور کورنگی میں کوئی ٹراما سینٹر موجود نہیں جس کی وجہ سے کسی بھی حادثے اور ناگہانی کی صورت میں بروقت طبی امداد کیلئے لوگوں کو سول اور جناح اسپتال لایا جاتا ہے۔

شہر کا سب سے بڑا ٹراما سینٹر گزشتہ 7 سالوں سے زیر تعمیر ہے، 6 ارب روپے سے زائد کی رقم لگنے کے باوجود اسپتال پایۂ تکمیل کو نہ پہنچ سکا۔

ڈھائی کروڑ سے زائد کی آبادی والے شہر کراچی کے لیے ہر ضلع میں ٹراما سینٹر ناگزیر ہے،بین الاقوامی معیار کے مطابق ٹراما سینٹر ایسی جگہ پر بنائے جاتے ہیں جہاں جلد از جلد پہنچنا ممکن ہو، جبکہ ضلع ملیر اور کورنگی میں بڑا اسپتال بھی موجود نہیں۔