ملتان(سٹاف رپورٹر) حضرت بہاؤالدین زکریاؒ کے عرس پر ملتان میں آج مقامی تعطیل ہو گی جبکہ نشتر ہسپتال ،کارڈیالوجی ،چلڈرن کمپلیکس معمول کے مطابق کھلے رہیں گے، تاہم ضلعی محکمہ صحت کے زیر انتظام ہسپتال مقامی تعطیل کے باعث بند ہوں گے۔ ڈی سی او ملتان کے نوٹیفکیشن کے مطابق آج زکریا یونیورسٹی،سرکاری و نجی کالجز،سکول بھی بند رہیں گے ‘ دوسری طرف 9نومبر کو علامہ اقبال ؒ ڈے پرسکولوں ،کالجوں کو چھٹی کا نوٹیفکیشن موصول نہیں ہوا، اگرنوٹیفکیشن نہ ملا تو 9نومبر کو زکریا یونیورسٹی ، اور کالجز معمول کےمطابق کھلیں گے ۔ ادھر ضلعی تعلیمی افسران نے اپنے طور پر سکولز میں 9نومبر کو چھٹی کے پیغام بھجوا دئیے ہیں ‘ اس سلسلے میں سکولز سربراہان نے بتایا کہ وہ طلبہ کو تقریبات کے سلسلے میں سکول بلوا رہے ہیں۔ علاوہ ازیں پرائیویٹ سکولز آرگنائزیشن کے جنرل سیکرٹری محمد اسلام شاد نے بتایا کہ تمام نجی سکولز آج حضرت بہاالدین زکریاؒ کے عرس اور کل 9نومبر کو علامہ اقبال ڈےؒ کے موقع پر بند رہیں گے ‘ نجی سکولز میں علامہ اقبال ؒ ڈے کی تقریبات منعقد کی جائیں گی۔
فرمان الہی
نماز کے اوقات
