حیدرآباد (ایجنسیاں) مشیر اطلاعات سندھ مولا بخش چانڈیو نے کہا ہے کہ بلاول بھٹو زرداری وفاقی وزیرداخلہ چوہدری نثارکیلئے خوف کی علامت بن گئے ہیں‘چوہدری نثاربلاول کوبچہ کہتے ہیں ہم برا نہیں مناتے‘ چوہدری صاحب آپ چاچاکہنے سے کیوں چڑتے ہیں‘ چوہدری نثار بھی ان بزرگوں میں سے ہیں جو اپنی عمر چھپانا چاہتے ہیں،بلاول بھٹو کے پنجاب جانے سے پہلے ہی وزیر داخلہ کے پسینے چھوٹ گئےجبکہ ابھی توپارٹی شروع ہوئی ہے ‘پاناماکیس حکومت کو نہیں چھوڑے گا‘نوازشریف کا جانا ٹھہر چکاچاہے وہ عدلیہ کے فیصلے کے ذریعے جائیں یا عوامی دباؤپر۔ہفتہ کوحیدرآباد میں میڈیاسے گفتگوکرتے ہوئے مولابخش چانڈیوکا کہنا تھا کہ چوہدری نثار پی پی پی اور سندھ کے لوگوں کیلئے اپنے دل میں نفرت رکھتے ہیں ‘ ایٹمی قوت کے حامل ملک کے وزیر داخلہ کی قومی سلامتی پر کوئی توجہ نہیں‘ قومی سلامتی سے لاتعلق ہوکر آپ کو بلاول پر بات کرنا اچھالگتا ہے‘ بلاول بھٹو کو بچہ کہہ کر مخاطب کرنے والے نہ بھولیں کہ شہید ذوالفقار علی بھٹو اور شہید بینظیر بھٹو نے بھی اپنے سیاسی سفر کا آغاز کم عمری میں کیا تھا۔
فرمان الہی
نماز کے اوقات
