ملتان(سٹاف رپورٹر،نمائندگان )ملتان ودیگر شہروں میں حادثے ،2 خواتین سمیت5 افراد جاں بحق ہو گئے تفصیلات کےمطابق ملتان بہاولپور بائی پاس کے قریب 12سالہ محمد علی بی سی چوک کی جانب موٹر سائیکل پر جارہا تھا،جسے تیز رفتار ٹریکٹر ٹرالی نے ٹکر ماردی ۔حادثے کی اطلا ع ملنے پر ریسکیو اہلکار موقع پر پہنچ گئے،اور محمد علی کو نشتر ہسپتال منتقل کیا تاہم وہ زخموں کی تاب نہ لاکرجانبر نہ ہوسکااوردم توڑگیا ،سنانواں روڈ پرتیزرفتار آئل ٹینکر بیل گاڑی کو بچاتے ہوئے بے قابوہوگیا اور الٹ گیا جبکہ بیل گاڑی کیساتھ بھی تصادم ہوا۔واقعہ کے نتیجے میں بیل گاڑی کا مالک اور آئل ٹینکرکا ڈرائیور دونوں زخمی ہوئے جبکہ بیل موقع پر ہی مرگیا ۔دونوں زخمیوں کو ہسپتال منتقل کیا گیا جہاں بیل گاڑی کا مالک زخموں کی تاب نہ لاتے ہوئے جاں بحق ہوگیاواقعہ میں آئل ٹینکر سنانواں روڈ پر الٹنے کے باعث مکمل طور پر ٹریفک کے لیے بند ہوگیا اور ٹریفک معطل ہوکررہ گئی ۔4گھنٹوں بعد کرین منگوا کر آئل ٹینکر کوسڑک سے ہٹایا گیا علاو ہ ازیں دنیا پور کا تاجر محمد ساحل لاہور سے دکان کے لئے سامان خرید کر وین میں واپس آ رہا تھا کہ جہا نیا ں کے قریب لودہرا ں خانیوال روڈ پر ٹریلر اور وین کی ٹکر کے نتیجے میں موقع پر جا ں بحق ہو گیا مرحوم کی چند روز بعد شادی ہونے والی تھی دریں اثنا میاں چنوں وجھیانوالہ روڈ پر تھانہ چھب کلاں کے قریب موڑ کاٹتے ہوئے موٹر سائیکل سوار افراد کو ٹرک نے کچل دیا جس کے نتیجے میں دو خواتین پٹھانی بی بی اور عابدہ بی بی موقع پر جاں بحق ہو گئیں جبکہ تین کمسن بچے نورین ،احمد اور ایک نامعلوم شدید زخمی ہو گئے زخمیوں کو پولیس نے قریبی ہسپتال منتقل کر دیا ،ٹرک حساس ادارے کا تھا ۔
فرمان الہی
نماز کے اوقات
