بہاولپور،ملتان(ڈسٹرکٹ رپورٹر،سٹاف رپورٹر) وزیراعظم پاکستان محمد نواز شریف کی بہاولپورآمدکے موقع پرسکیورٹی کے انتہائی سخت انتظامات کئے گئے جبکہ وزیراعظم خصوصی ہیلی کاپٹر کے ذریعے خیرپورٹامیوالی فوجی مشقیں دیکھنے کیلئے روانہ ہوگئے۔پولیس ذرائع کے مطابق وزیراعظم گزشتہ روز خصوصی طیارے کے ذریعے بہاولپورائیرپورٹ پہنچے، غیرملکی سفارتکار اور وفاقی وزراء بھی ان کے ہمراہ تھے جن کے ساتھ وزیراعظم خصوصی ہیلی کاپٹر کے ذریعے خیرپورٹامیوالی فوجی مشقوں کا معائنہ کرنے کیلئے روانہ ہوگئے، تقریبا 3بجے وزیراعظم واپس بہاولپورائیرپورٹ پہنچے جہاں سے وہ خصوصی طیارے کے ذریعے اسلام آبا د روانہ ہوگئے۔ ا س موقع پرسکیورٹی کے انتہائی سخت انتظامات کئے گئے تھے۔دریں اثناء وزیراعظم کی گذشتہ روز ملتان آمد کے حوالے سے متوقع روٹس پر خصوصی انتظامات کئے جاتے رہے ملتان ویسٹ مینجمنٹ کمپنی کا عملہ اور مشینری ملتان ائیر پورٹ سے سرکٹ ہاؤس تک روٹ کو چمکانے اور چھڑکاؤ میں مصروف رہے تاہم وزیراعظم کی آمدنہ ہونے کے باعث یہ انتظامات دھرے کے دھرے رہ گئے۔
فرمان الہی
نماز کے اوقات
