ملتان(سٹاف رپورٹر)لاہورہائیکورٹ کی ڈیڑھ سوسالہ تقریبات کے سلسلےمیں آج ہائیکورٹ ملتان بنچ میں شام 5 بجے سیمینار ہو گا جس میں چیف جسٹس لاہورہائیکورٹ سید منصورعلی شاہ خطاب کریں گے، تقریب میں ملتان ،ڈی جی خان اورساہیوال ڈویژنز کے سیشن وسول ججز بھی شریک ہوں گے۔ سیمینار میں ججز اورسینئروکلاءکو یادگاری شیلڈز دینے کے ساتھ مقابلوں میں حصہ لینے والے افراد میں انعامات بھی تقسیم کئےجائیں گے ۔ دریں اثناءچیف جسٹس لاہورہائیکورٹ سید منصور علی شاہ دیگر ججز کے ہمراہ گزشتہ شب ملتان پہنچ گئے ، ججز ریسٹ ہاؤس پہنچنے پر ملتان بنچ کےججز نے ان کا پرتپاک استقبا ل کیا جبکہ لاہور،بہاولپوربنچزسے بھی ہائیکورٹ کے ججز ملتان میں ہونے والی تقریب میں شرکت کے لئے پہنچ گئے ہیں ،جنہیں ججز ریسٹ ہاؤس کے علاوہ ملتان کے دیگرسرکاری ریسٹ ہاؤسز میں ٹھہرایاگیا ہے،پولیس کی جانب سے سکیورٹی کے سخت انتظامات کئےگئے ہیں ۔
فرمان الہی
نماز کے اوقات
