ڈیرہ غازی خان ،گگو منڈی (نمائندہ جنگ ،نامہ نگار ) مختلف حادثوں میں 2نوجوان جاں بحق ہو گئے تفصیلات کے مطابق کراچی سے پشاور جانیوالی تیز رفتار کوچ نے انڈس ہائی وے پرکوٹ چھٹہ کے نزدیک تیتس موڑ کے مقام پر مخالف سمت سے آنے والے موٹر سائیکل سواروں کو کچل ڈالا جس کے نتیجہ میں موٹر سائیکل سوار 20سالہ محمد اقبال موقع پر جاں بحق ہو گیا جبکہ دو سرے موٹر سائیکل پر سوار عبدالستار اور محمد اکرم شدید زخمی ہو گئے علاوہ ازیں گگو منڈی کے نواحی گاؤں 169ای بی کا رہائشی 15سالہ لڑکا مظہر عباس موٹر سائیکل پر جا رہا تھا کہ سامنے سے آ نے والے منی ٹرک نے اسے ٹکر مار دی جس کے نتیجہ میں مظہر عباس ولد غلام عباس جاں بحق ہو گیا ۔
فرمان الہی
نماز کے اوقات
