ملتان(سٹاف رپورٹر،نمائندگان)حادثوں میں 5افراد جاں بحق ہو گئے،ملتان میں قیدیوں کی وین نےموٹرسائیکل سوار کچل دیا،رحیم یارخان میں جبار رکشہ سے ٹکرا گیا،چنی گو ٹھ کا جاوید،شجاع آباد کا طارق،دائرہ دین پناہ کا عبدالرحمان گاڑیوں کے نیچے آ گئے،تفصیلات کے مطابق ملتان میں ممتازآبادکےعلاقےمیں قیدیوں کی وین نےتیزرفتاری کےباعث موٹرسائیکل کوکچل دیاجس کےباعث موٹرسائیکل سوار مظفرعلی موقع پرجاں بحق ہوگیا،مشتعل عوام نےروڈبلاک کردیا۔تاہم پولیس سے مذاکرات کےبعدروڈ ٹریفک کیلئے کھول دیا گیا۔رحیم یارخان میں نورے والی کارہائشی29 سالہ عبدالجبار موٹر سائیکل پر شہر جا رہاتھاکہ سامنے سے آنیوالے تیز رفتار رکشہ سے ٹکرا کر زخمی ہوگیا۔ عبدالجبار کو شیخ زید ہسپتال منتقل کیا گیا جہاں طبی امداد کے باوجود وہ دم توڑگیا۔ چنی گو ٹھ کے موضع لاڈن والی کے رہا ئشی محمد جاوید،محبوب احمد اور عبدالرحمان موٹر سائیکل پر بہاولپور جا رہے تھے کہ مسا فر خانہ کے قریب تیز رفتار ٹر یلر نے ان کو کچل دیا جس کے نتیجے میں محمد جاوید موقع پر ہی جاں بحق ہو گیا جبکہ محبوب اور عبدالرحمان زخمی ہو گئے جن کو بی وی ایچ داخل کرا دیا گیا ہے ۔سکندر آباد سے نامہ نگار کے مطابق شجاع آباد کے نواحی علاقہ موضح جئی کا رہائشی سولہ سالہ طالب علم محمد طارق سائیکل پر مدرسے سے جا رہا تھا کہ کالی پل کے قریب سامنے سے آنے والے تیز رفتار ٹرک نے کچل دیا،محمد طارق موقع پر ہی جاں بحق ہو گیا ،ٹرک ڈرائیور موقع سے فرار ہوگیا، پولیس نے ٹرک کو قبضہ میں لے کر تھانےمنتقل کر دیا۔دائرہ دین پناہ کا رہائشی عبدالرحمان شاد تونسہ بیراج گیم سینگچوری میں مرغابی کا شکار کر کے موٹر سائیکل پر گھر آ رہا تھا کہ چھپری اڈہ کے قریب تیز رفتار ٹریکٹر ٹرالی کی زد میں آ گیا، جس سے وہ موقع پر جاں بحق ہو گیا۔ پولیس نےلاش ورثاء کے حوالے کر دی اور ٹریکٹر ٹرالی کو قبضہ میں لے لیا۔
فرمان الہی
نماز کے اوقات
