اپٹما کا مہنگی بجلی ،نئی ٹیکسٹائل پالیسی کیخلاف احتجاج کا اعلان

اپٹما کےزیر اہتمام مہنگی بجلی اورنئی ٹیکسٹائل پالیسی کے خلاف احتجاج کا اعلان کیا گیا ہے۔

اپٹما پنجاب کے ہنگامی اجلاس میں مل مالکان نے دھرنا دینے کا اعلان کر دیا،اپٹما رہنما کا کہنا ہے کہ بڑھتی پیداواری لاگت کی وجہ سے اب تک 70 ملیں بند ہو چکی ہیں،گزشتہ تین برسوں میں ٹیکسٹائل برآمدات میں ایک ارب 80 کروڑ ڈالرکی کمی ہوئی۔

اپٹما رہنما کا یہ بھی کہنا ہے کہ حکومت بھارت کو دھاگے، کپڑے کی ڈمپنگ کی اجازت دے کر صنعت تباہ کرا رہی ہے، ٹیکسٹائل انڈسٹری میں لاکھوں مزدور بے کار ہو چکے ہیں، ٹیکسٹائل صنعت بند ہوئی تو کپاس کا کاشتکار بھی متاثر ہوگا۔