بہاولپور(ڈسٹرکٹ رپورٹر)ڈسٹرکٹ کوآرڈی نیشن آفیسر ڈاکٹر احتشام انور مہار نے کہا ہے کہ ضلع بھر میں عیدمیلاد کے موقع پر تمام انتظامات شاندار انداز میں انجام دیئے جائیں، انہوں نے کہا کہ نوجوانوں کو آنحضورؐ کی سیرت مبارکہ سے روشناس کرانے کے لئے سکولوں کے طلبہ و طالبات کے مابین تقریری اور مضمون نویسی کے مقابلہ جات منعقد کرائے جائیں، وہ اپنے دفتر کے کمیٹی روم میں ضلعی امن کمیٹی کے اجلاس سے خطاب کررہے تھے،اس موقع پر ممبران امن کمیٹی اور متعلقہ محکموں کے افسران موجود تھے، انہوں نے ٹی ایم ایز اور بہاول پور ویسٹ مینجمنٹ کمپنی کے متعلقہ افسران کو ہدایت کی کہ صفائی کے شاندار انتظامات یقینی بنائے جائیں، ڈی پی او اشفاق احمدخان نے خطاب کرتے ہوئے کہا کہ عید میلاد النبی ؐ کے جلوس کی سکیورٹی اور ٹریفک نظام بہتر بنانے کے لیے بھرپور اقدامات کئے جائیں گے۔ ،اجلا س میں صاحبزادہ ریاض احمد اویسی، عبدالرزاق شائق، افضل صابری، پروفیسر مظفر علی ظفر، مفتی اقبال، حافظ محمد یونس اور دیگر نے بھی اظہار خیال کیا۔
فرمان الہی
نماز کے اوقات
