خیرپور (بیورو رپورٹ)بالائی سندھ کے 8اضلاع کے سپلا عہدیداروں کی خیرپور میں حلف برداری کی تقریب منعقد ہوئی ۔سندھ کے کالج اساتذہ کو سارک ممالک کے اساتذہ کی طرح انکم ٹیکس سے مستثنیٰ قرار دینے سمیت کئی قرارد ادیں منظور کر لی گئیں۔ سپلا کے مرکزی صدر پروفیسر فیروز الدین صدیقی نے تقریب کی صدارت کی جبکہ مرکزی سیکریٹری جنرل شاہ جہان پنہور مہمان خاص تھے۔پروفیسر فیروز الدین صدیقی نے اپنے خطاب میں کہاکہ سندھ کے کالج اساتذہ اپنے مسائل حل کرانے کی جدو جہد جاری رکھیں گے انہوں نے کہاکہ سپلا تعلیم اداروں کی بہتری کیلئے اپنا کردار ادا کر تی رہے گی حلف برداری تقریب میں سکھر، خیرپور، گھوٹکی،لاڑکانہ ،جیکب آباد،شکارپور ،کندھ کوٹ کشمور، نوشہروفیروزاور قمبر شہداد کوٹ عہدیداروں نے اپنے عہدوں کا حلف لیا جبکہ پرفیسر ریاض مری، پروفیسر غفران بلوچ،پروفیسر لیاقت ابڑو،پروفیسر اسلم کورائی، پروفیسر سیف الدین بھٹو، پروفیسر عبدالکریم آرائیں، پروفیسر عبدالجبار جونجو، پروفیسر ضمیر چانڈیو، پروفیسر شبیر بہلکانی ،پروفیسر غلام اصغر شاہ،مصطفیٰ کاکا، پروفیسر مشتاق پھلپوٹو، پروفیسر محمد ایوب مری،پروفیسر شفقت جوکھیو، پروفیسر ملہار سندھی اور دیگر نے خطاب کیا۔
فرمان الہی
نماز کے اوقات
