مردان ( نامہ نگار ) مردان کس کورونہ میں گھریلو تنازعے پر شوہر نے فائرنگ کرکے بیوی کو موت کے گھاٹ اتار دیا مقتولہ کے بیٹے نے باپ کے خلاف ماں کے قتل کی رپورٹ درج کرلی ہے۔ سعید آباد کس کورونہ کے رہائشی ملزم عمران ولد رضوان اللہ کی اپنی اہلیہ 35 سالہ ( الف ) جو خیرآباد میں بطور لیڈی ہیلتھ ورکر ملازمت کرتی تھی کیساتھ گھریلو ناچاقی تھی جس پر اس نے مبینہ طور پر فائرنگ کرکے اسے قتل کر ڈالا مقتولہ کے بیٹے 18 سالہ نعمان نےپولیس کو اپنی رپورٹ میں بتایا کہ وہ اپنی والدہ کے ہمراہ خیر آباد سے واپس گھر آرہے تھے کہ سعید آباد پہنچنے پر راستے میں موجود میرے باپ عمران نے میری ماں پر پستول سے فائرنگ کی جس سے لگ کر وہ جاں بحق ہوگئی.ملزم واردات کے بعد فرار ہونے میں کامیاب ہوگیا پولیس تھانہ پار ہوتی کے عملے نے واقعے کی رپورٹ درج کرکے ملزم کی تلاش شروع کردی ہے۔
فرمان الہی
نماز کے اوقات
