کراچی(اسٹاف رپورٹر)جان محمد الیون نے الصغیر الیون کو 5-3سے شکست دے کر اے او کراچی ہاکی لیگ کا فائنل جیت لیا۔ مقررہ وقت تک میچ بغیر گول کے برابر تھا۔فائنل کو فیصلہ کن بنانے کے لئے پنالٹی اسٹروک کا سہارا لیا گیا، جس پر فاتح ٹیم کی جانب سے عرفان، رضوان، سمیع، ندیم اور شہزادنے گول کیے۔ فائنل میں الصغیر کے گول کیپر عبد اللہ نے بہترین کھیل پیش کیا۔ وائس ایڈمرل سیدعارف اللہ حسینی کمانڈر پاکستان فلیٹ نے انعامات تقسیم کئے۔ جان محمد الیون کے ندیم عالم ، بہترین کھلاڑی، الصغیر کے عبداللہ بہترین گول کیپر اور سلمان خورشید ٹاپ اسکورر قرار پائے۔ اس موقع پر مہمان خصوصی نے حویلیاں میں ہونے والے فضائی حادثے کے شہداء کے لئے فاتحہ خوانی کی ۔ انہوں نے کے ایچ اے کو پاکستان نیوی کی جانب سے نیلی آسٹروٹرف دینے کا بھی اعلان کیا۔
فرمان الہی
نماز کے اوقات
