چمن(نامہ نگار) پاک افغان سرحد باب دوستی پر جمعہ کے روز افغانستان کی حدود میں نامعلوم افراد نے احتجاج کرتے ہوئے پتھراؤ کیا ۔جس سے باب دوستی کے شیشے ٹوٹ گئے۔ حکام کے مطابق جمعہ کے روز چھوٹے تاجر جو روایتی طریقے سے تجارتی سامان لاتے ہیں ۔جمعہ کے باعث انہیں سامان نہ لانے کی ہدائت کی گئی تھی جس پر وہ مشتعل ہو گئے۔ افغان حکام کے مطابق پاکستانی حکام سے تاجروں کو سامان لے جانے کی اجاز ت دینے کی کئی بار درخواست کی گئی ۔اس دوران مشتعل ہجوم نے احتجاج کیا ، دریں اثناء باب دوستی پر کشیدہ صورتحال کے باعث سرحدی فورسز نے سرحد پر مال بردار تجارتی ٹرکوں کی آمدورفت کو معطل کر دیا جس کے نتیجے میں ٹرکوں کی لمبی قطاریں لگ گئیں ۔سرحد پر سڑک کے دونوں جانب سیکڑوں ٹرک پھنس جانے کے باعث شدید ٹریفک جام ہو گیا ہے اور چمن بارڈرکسٹم تک راستہ بھی بند ہو چکا ہے ان میں سبزیوں اور میوہ جات کے ٹرک بھی شامل ہیں ۔
فرمان الہی
نماز کے اوقات
