پشاور(خصوصی نامہ نگار)ڈسٹرکٹ ناظم صوابی سپورٹس گالامیں انٹرکلب کرکٹ ٹورنامنٹ کے پہلے ائونڈ میں رجڑ کلب اور گولڈ کرکٹ کلب نے اگلے رائونڈ کیلئے کوالیفائی کرلیا،ہاکی مقابلوں میں مہران کلب ،فٹ بال میں بام خیل کلب اور مشال ٹھنڈ کوہی کلب نے میچ جیت لئےجبکہ بیڈمنٹن مرد ڈبلز میں سرحد کلب کڈی اورباجاکلب نے برتری حاصل کرلی ۔ڈسٹرکٹ سپورٹس آفیسر صوابی طارق محمد کے مطابق انٹر کلب کرکٹ ٹورنامنٹ کے ایک میچ میں رجڑ کلب نے فواد اکیڈمی کو 34رنز سے ہرایا،پہلے بیٹنگ کرتے ہوئے رجڑ کرکٹ کلب نے 154رنز بنائے عادل خان نے 40رنزبنائے جبکہ ارشد نے چار کھلاڑیوں کو آئوٹ کیا،جواب میں فواد کرکٹ اکیڈمی کی پوری ٹیم 120رنز پرآئوٹ ہوگئی ۔دوسرے میچ میں گولڈ کلب نے ٹھنڈ کوہی کلب کو 42رنز سے ہرایا۔ ہاکی انٹرکلب ایونٹ میں شاہین کلب نے مہران کلب کو صفر کے مقابلے میں دو گول سے ہرایا۔مقررہ وقت تک مقابلہ برابررہا،پینلٹی سٹروکس پر شاہین کلب نے دو گول سے برتری حاصل کرلی۔بیڈمنٹن مرد ڈبلز مقابلوں میں سرحد کلب کڈی حارث کلب صوابی کودو صفرسے ہرایا،دوسرے میچ میں باجاکلب نے لاہور بیڈمٹن کلب کودو ایک سے شکست دیکر دوسرے رائونڈ میںجگہ بنائی۔فٹ بال میں بام خیل کلب نے ہملٹ کلب کودو گول سے اور مشال ٹھنڈ کوہی فٹ بال کلب نے بوم بوم فٹ بال کلب سفرونہ کو ایک کے مقابلے میں دو گول سے ہرایا۔
فرمان الہی
نماز کے اوقات
