بہاولپور(ڈسٹرکٹ رپورٹر)شہر میں اہم شاہراؤں، چوکوں پر تجاوزات کی بھرمار، ٹریفک کے شدید مسائل، ٹریفک جام رہنے لگی، ٹریفک پولیس کی جانب سے ٹی ایم اے سٹی کو 28شاہراؤں چوکوں پر تجاوزات کی نشاندہی، تفصیلات کے مطابق بہاولپورشہر کی مصروف شاہراؤں اورچوکوں پر ایک طرف ہوٹلوں، پلازوں اور دوکان مالکان نے ناجائز تجاوزات کی بھرمار کی ہوئی ہے تو دوسری طرف متعدد ریڑھیاں بھی ٹریفک کے نظام کو شدید متاثرکررہی ہیں۔ اس حوالے سے ٹریفک پولیس کی جانب سے ٹی ایم او سٹی کوجاری کردہ مراسلے میں شہر میں 28مقامات کی نشاندہی کی گئی ہے جہاں ناجائز تجاوزات کئے گئے ہیں۔ ان میں یونیورسٹی روڈ، گرلز کالج روڈ، صدر پلی روڈ، ون یونٹ چوک، کمرشل ایریاچوک، حسینی چوک، میلے والی گلی، کالی پلی یزمان روڈ، فوجی بستی چوک، نیوسی ایم ایچ چوک، سرکلرروڈ، دبئی چوک، میلاد چوک، سرائیکی چوک، پرانی سبزی منڈی موڑ،چکاں والاچوک، عیدگاہ چوک، ماڈل ٹاؤن سی موڑ، بندرہ پلی، لاری اڈہ روڈ، ریلوئے اسٹیشن چوک، فرید گیٹ تاختم نبوت چوک، اندرون فرید گیٹ، شاہی بازار، گری گنج بازار،چوک شہزادی تاچوک کلاں، اندرون احمدپوری گیٹ اورتھانہ کوتوالی تا چوک کلاں شامل ہیں۔ ٹریفک پولیس کی جانب سے ان مقامات پر فوری ناجائز تجاوزات کو ختم کرنے کامطالبہ کیاگیاہے تاکہ ٹریفک کے نظام کو بہترطریقے سے چلایاجاسکے۔
فرمان الہی
نماز کے اوقات
