کراچی (جنگ نیوز) سعد رفیق، بلاول اور شیریںمزاری (ڈمی) سے دلچسپ اور یادگار ملاقات ہفتے کو ”جیونیوز“ کے پروگرام ”خبرناک“ میں ہوگی۔ پروگرام کے دوران بات کرتے ہوئے سعد رفیق (ڈمی) کا کہنا تھا کہ چار دیواری میں تقریریں کرنے سے کوئی لیڈر نہیں بنتا، ہم خان صاحب کے شکر گزار ہیں کہ اُنہوں نے ہمارا ڈیڑھ سال نکلوا دیا۔ شیریں مزاری (ڈمی) کا کہنا تھا کہ ہمارے لیڈر کی مرضی ہے پارلیمنٹ جائے یا بنی گالا میں پارلیمنٹ لگائے۔ شیریں مزاری (ڈمی) کی دبنگ انٹری دیکھ کر سعدرفیق (ڈمی) نے اُن کے سامنے ہاتھ جوڑ لئے۔ موقع کا فائدہ اُٹھاتے ہوئے بلاول بھٹو زرداری (ڈمی) اپنی مہندی کے گیت سناتے رہے۔ شو میں ”بٹوارے کے لالچ نے بہوؤں کا بھانڈا پھوڑ دیا“ کے موضوع پر بھی گفتگو ہوگی۔ طنز و مزاح سے بھر پور ”خبرناک“ عائشہ جہانزیب کی میزبانی میں شب11 بجکر5منٹ پر دکھایا جائے گا۔
فرمان الہی
نماز کے اوقات
