ملتان (سٹاف رپورٹر‘نمائندہ جنگ‘ نامہ نگار) نو منتخب میئر ملتان نوید ارائیں نے کہا ہے کہ وہ اپنی کامیابی پر اللہ کا شکر ادا کرتے ہیں جس نے عوام کی خدمت کا موقع عطا کیا ۔ کامیابی کے بعد اپنی رہائش گاہ پر کارکنوں سے خطاب کرتے ہوئے نوید ارائیں کا کہنا تھا کہ ن لیگ کی قیادت نے ان پر اعتماد کا جو اظہار کیا ہے وہ اس پر پورا اتریں گے ۔ وزیر اعظم نوازشریف اوروزیر اعلی شہباز شریف ملتان کو جدید شہر دیکھنا چاہتے ہیں جس کیلئے حکومت کی جانب سے مختلف پراجیکٹس زیر تکمیل ہیں ،شہر کی بہتری کیلئے فیصلے مشاورت سے کیے جائینگے ، میں ملتان کا سپوت ہوں ۔اسکے گلی کوچوں کو بخوبی جانتا ہوں ،شہر کے تمام مسائل کا علم ہے اور ہمارے پاس ایک واضح اور مکمل پلان بھی موجود ہے، نو منتخب ضلع چیئرمین دیوان عباس بخاری نے کہا ہے کہ مسلم لیگ ن کے کلین سوئپ سے ثابت ہو گیا ہے کہ ضلع ملتان مسلم لیگ ن کا قلعہ ہے مسلم لیگ ن کی اعلیٰ قیادت ملتان کی ترقی کیلئے سنجیدہ ہیں مزید فنڈز کی فراہمی سے ملتان کو مثالی ضلع بنا ئیں گے ۔ بلدیہ وہاڑی کے نو منتخب چیئرمین شیخ محمدحسین نے کہا ہے کہ وہ اپنے گروپ لیڈر طا ہر اقبال چودھری اور رانا طا ہر محمود اور اپنے کونسلرز ساتھیوں کا بے حد مشکور ہوں ،انہوں نے کہا کہ اس سے پہلے اُن کے والد شیخ محمد سلیم بھی چیئرمین رہے ہیں دیانت اور شرافت کی بے دریغ سفید چادر لے کر بلدیہ میں داخل ہوئے تھے، میرا دامن بھی ہرقسم کی آلودگیوں سے پاک ہو گا ، شیخ محمدحسین نے بلدیہ ملا زمین کو بھی خبردار کیا ہے کہ وہ شہر کے عوام کے خون پسینے کی کمائی پر کسی کو ڈاکہ نہیں مارنے دیں گے، ضلع مظفر گڑھ مسلم لیگ نون کے نو منتخب ضلعی ناظم سردار عمر خاں گوپانگ نے کہا ہے کہ میری ضلعی نظامت میں پہلا کام علی پور سے مظفرگڑھ کا ون وے بنوانا ہے۔میں پورے ضلع مظفر گڑھ کے مسائل انتہائی دیانتداری سے حل کرنے کے لئے کوئی کسر نہیں چھوڑوں گا۔ضلع مظفر گڑھ کے ترقیاتی کاموں کا جال بچھا دونگا۔مظلوم اور حقدار کی دادرسی کی جائے گی۔مجھے جو ذمہ داری ملی ہے اسے تن من دھن سے نبھانے کی کوشش کر ونگا۔
فرمان الہی
نماز کے اوقات
