گوجرانوالہ( نمائندہ جنگ)پی ایم اے گوجرانوالہ کے وفد نے صدر ڈاکٹر لیاقت ضیاء کی سربراہی میں سی پی او گوجرانوالہ وقاص نذیر سے ملاقات کی وفد نے سول ہسپتال کی سینئر گائناکالوجسٹ ڈاکٹر روبینہ انور پر تشدد اور حملے کے ملزمان کی عدم گرفتاری پر تشویش کا اظہار کیا اور کہا ہے کہ اگر دو روز کے اندر ملزمان گرفتار نہ کئے گئے تو پی ایم اے پنجاب بھر میں ہڑتال کرے گی سی پی او نے وفد کو یقین دہانی کرائی کہ جلد ملزمان گرفتار کرلئے جائیں گے دوسری طرف سوسائٹی آف گائناکالوجسٹ نے بھی اس واقعہ کے ملزمان کی عدم گرفتاری پر احتجاج کیا ہے اور کہا ہے کہ اگر ملزمان گرفتار نہ کئے گئے تو ہم پرائیویٹ ہسپتال بھی احتجاجاً بند کردیں گے انہوں نے مسلم لیگ ن کی قیادت سے بھی فوری نوٹس لینے کا مطالبہ کیا ہے اور کہا ہے کہ ایسے لوگوں کو ن لیگ سے فوری نکال دیا جائے۔
فرمان الہی
نماز کے اوقات
