ۭلندن ( جنگ نیوز ) کینیڈا کی ٹینس سٹار یوجینی بوشارڈ نے فٹنس مسائل سے نجات حاصل کرلی ہے اور وہ رواں ہفتے ہوباٹ انٹرنیشنل ٹورنامنٹ میں شرکت کریں گی۔ 21 سالہ سٹار نے گذشتہ ہفتے شینزن اوپن میں حصہ لیا تھا اور کوارٹر فائنل تک رسائی حاصل کرکے اپنی فارم اور فٹنس کا ثبوت دیا تھا۔ ان کا کہنا ہے کہ میری نظریں سال کے پہلے گرینڈ سلم آسٹریلین اوپن پر ہیں لیکن پرستاروں کو مجھ سے زیادہ توقعات وابستہ نہیں کرنی چاہئیں کیوں کہ میں خود بہت کم امیدوں کے ساتھ ایونٹ میں شرکت کروں گی تاکہ بڑے ٹورنامنٹ کا دبائو نہ ہو۔ دو ماہ پہلے تک مجھے یقین ہی نہ تھا میں آسٹریلین کیلیے خود کو تیار بھی کرپائوں گی یا نہیں لیکن اب میں بہت بہتر محسوس کرنے لگی ہوں۔ یاد رہے کہ تین ماہ قبل یو ایس اوپن چیمپئن شپ کے دوران یوجینی لوکرز روم میں اچانک پھسل کر گر گئیں تھیں ۔ انہوں نے اس حادثے کا ذمہ دار ایونٹ کے منتظمین کو قرار دیتے ہوئے ان پر ہرجانے کا مقدمہ دائر کیا تھا۔
فرمان الہی
نماز کے اوقات
