روٹرڈیم (نیوز ایجنسیز) فرانس کے نامور ٹینس اسٹار جوولفریڈ سونگا نے روٹرڈیم اوپن ٹینس ٹورنامنٹ جیت لیا، انہوں نے فائنل میں بیلجیئم کے ڈیوڈ گوفن کو شکست دیکر ٹائٹل اپنے نام کیا۔ تفصیلات کے مطابق ہالینڈ کے شہر روٹرڈیم میں جاری مینز سنگلز مقابلوں کے فائنل میں فرانس کے جوولفریڈ سونگا اور بیلجیئم کے ڈیوڈ گوفن آمنے سامنے تھے جس میں جو ویلفریڈ سونگا نے بیجلیئم کے گوفن کے ہاتھوں پہلے سیٹ میں 4-6 کی شکست کے باوجود اگلے دونوں اسٹریٹ سیٹس میں 6-4 اور 6-1 سے شکست دیکر ٹورنامنٹ جیت لیا۔ اس سے قبل ایونٹ کے فاتح نے پہلے سیمی فائنل میں جمہوریہ چیک کے ٹامس برڈیچ کو ہرا کر فائنل میں جگہ بنائی جبکہ دوسرے سیمی فائنل میں بیلجیئم کے ڈیوڈ گوفن نے فرانس کے پیری ہربرٹ کو اسٹریٹ سیٹس میں شکست دی اور فائنل میں جگہ بنائی تھی۔
فرمان الہی
نماز کے اوقات
