بہاولپور(ڈسٹرکٹ رپورٹر)پشاور زلمی اور کوئٹہ ٹیم کی کامیابی کے لئے دعا کریں اور مفت مٹھائی کھائیں، کوئٹہ اور پشاور کے سپورٹران 2دکانداروں نے مٹھائی مفت دینا شروع کردی، اپنی اپنی ٹیم کی فائنل میں کامیابی کی صورت میں آج بھی مٹھائی مفت دینے کا اعلان کر دیا تفصیلات کے مطابق ملک بھر کی طرح بہاولپور میں بھی پی ایس ایل کا جادو سر چڑھ کر بول رہا ہے۔ الشمس چوک پر دو پڑوسی دکانداروں میں ٹھن گئی ایک پشاور زلمی کا اور دوسرا کوئٹہ کا فین نکلا۔دونوں نے مٹھائی مفت دینا شروع کردی اور عوام سے کہا کہ ان کی ٹیم کی کامیابی کے لئے دعا کریں۔ پشاور زلمی کے سپورٹر احسن اور کوئٹہ کے سپورٹر محسن نے ڈھول بھی بجوایا لوگ بھنگڑے ڈالتے رہے اور انہوں نے اعلان کیا کہ اگر ان کی حمایت یافتہ ٹیم جیت گئی تو آج بھی سارا دن وہ مفت مٹھائی تقسیم کریں گےعلاوہ ازیں بہاولپور کے جھگی نشیں بھی پی ایس کے دیوانے نکلے۔جھگی والے فائنل میچ کو دیکھنے کی خواہش لیے بازار سے 5 ہزار کا ٹی وی خرید کر لے آئے۔ اس حوالے سے جھگی میں مقیم بابر نامی شخص کا کہنا ہے کہ حالات بہت تنگ تھے مگر پھر بھی پانچ ہزار کا ٹی وی خرید کر لایا ہوں۔بابر کا کہنا ہے کہ سب کام بعد میں ہوجائیں گے مگر پی ایس ایل کا فائنل دیکھنے کا موقع دوبارہ نہیں ملے گا بابر کی جھگی میں ٹی وی کیا آیا ہمسائے جھگی والے بھی پی ایس کا فائنل دیکھنے بابر کی جھگی میں پہنچ گئے۔
فرمان الہی
نماز کے اوقات
