کراچی (اسٹاف رپورٹر) اسپنر سیف الرحمان کی شاندار بولنگ کی بدولت ملتان نے بنوں کو شکست دیکر آل پاکستان انٹربورڈ ٹی ٹوئنٹی کرکٹ چیمپئن شپ کے فائنل میں رسائی حاصل کرلی۔ اصغر علی شاہ کرکٹ اسٹیڈیم پر کھیلے جانے والے میچ میں بنوں کی ٹیم پہلے بیٹنگ کرتے ہوئے 113 رنز پر ڈھیر ہوگئی۔ سیف الرحمان نے شاندار بولنگ کرتے ہوئے سات رنز دیکر6 کھلاڑیوں کو آئوٹ کیا۔ یہ ٹورنامنٹ کی بہترین بولنگ ہے۔ جواب میں ملتان نے پانچ وکٹ پر مطلوبہ ہدف پورا کرلیا۔ عبداللہ نے 36 اور سیف الرحمان نے 31 رنز بنائے۔ یاسر خان نے دو وکٹ لئے۔ اتوار کو تیسری پوزیشن کا میچ بنوں اور فیصل آباد کے درمیان این ای ڈی کرکٹ گرائونڈ پر ہوگا جبکہ فائنل پیر کو کراچی جیم خانہ پر کھیلا جائے گا ۔
فرمان الہی
نماز کے اوقات
