سیالکوٹ(نمائندہ جنگ) شہر کے مختلف مقامات پر ہونے والے ٹریفک حادثات میں بہن بھائی سمیت 7 افراد زخمی ہوگئے۔ تھانہ حاجی پورہ کے علاقہ شہاب پورہ روڈ نامعلوم موٹر سائیکل کی ٹکر سے پیدل سڑک پار کرنے والا10سالہ علی شان،ڈسکہ روڈ نزد گھوئینکی سٹاپ رکشہ اور موٹر سائیکل کے تصادم میں 19سالہ انصر، تھانہ صدر سیالکوٹ کے علاقہ پسرور روڈ مقامی میڈیکل کالج کے پاس موٹر سائیکل اور کوسٹر کے تصادم میں موٹر سائیکل سوار2بھائی18سالہ حسنین اور16سالہ نادش، تھانہ مرادپور کے علاقہ کشمیر روڈ پکا گڑھا سٹاپ کے پاس نامعلوم سواری کی موٹر سائیکل کو ٹکر سے26سالہ محمد قمر، تھانہ اگوکی کے علاقہ وزیرآباد روڈ رحیم پور سٹاپ کے پاس دوموٹر سائیکلوں کے تصادم میں25سالہ نفاست علی، تھانہ مرادپور کے علاقہ گوہد پور روڈ ٹریکٹر ٹرالی کی ٹکر سے پیدل سڑک پار کرنے والے65سالہ محمد حامدشدید زخمی ہو گئے۔معمولی زخمیوں کو ریسکیورز نے موقع پر ہی طبی امداد دی جبکہ شدیدزخمیوں کو ریسکیوایمبولینس میں طبی امداد دیتے ہوئے مزید علاج معالجے کے لئے سیالکوٹ کے مختلف ہسپتالوں میں منتقل کر دیا گیا۔
فرمان الہی
نماز کے اوقات
