بہاولپور(ڈسٹرکٹ رپورٹر)13سالہ بچہ مبینہ طورپر اغوا ، والدہ کا ڈی پی او آفس کے سامنے مقدمہ درج کرنے کیلئے احتجاج۔تفصیل کے مطابق مسافرخانہ کے رہائشی محمدیعقوب نے اپنی والدہ اوردیگررشتہ داروں کے ہمراہ ڈی پی اوآفس چوک پراحتجاجی مظاہرہ کرتے ہوئے بتایاکہ اس کا13 سالہ بھائی، عمرفاروق شوگرملز سے تنخواہ لے کراپنے گھرآرہاتھاکہ ملزمان نے ورغلاکراغواکرلیاجس کوچارماہ کاعرصہ گزر چکا ہے۔ تھانہ مسافرخانہ نے نہ تومقدمہ درج کیاہے اورنہ ہی ملزمان کوگرفتارکیاہے۔انہوں نے احتجا ج کیاتواس دوران مغوی عمرفاروق کی والدہ شفیہ بی بی بے ہوش ہوگئی جسے ریسکیو1122 کی ٹیم نے وکٹوریہ ہسپتال پہنچایا۔اس حوالے سے پولیس نے بتایاکہ عمرفاروق ابتدائی تفتیش کے مطابق پہلے بھی گھروالوں سے لڑ کر دوتین دفعہ گھرسے بھاگ چکاہے اوراب بھی اغواء کامعاملہ مشکوک ہے ، تاہم عدالت کے حکم پر مقدمہ درج کرلیاگیاہے۔
فرمان الہی
نماز کے اوقات
