کراچی (اسٹاف رپورٹر) کراچی پبلک اسکول انٹر برانچ اسپورٹس گالا میںمختلف ایونٹس کے فیصلے ہوگئے۔ سفاوی کیمپس میں سیکنڈری گروپ بی میں گُلشن نے پی ای سی ایچ ایس، سفاوی اور گُلستانِ جوہرکو فٹسال مقابلوں میں شکست دیکر فائنل میں جگہ بنائی۔ ان مقابلوں میں عبیدالرحمن، محمد ارسلان اور مراد ثاقب نے عمدہ کارکردگی کا مظاہرہ کیا۔ باسکٹ بال ایونٹ میں گرلز کے مقابلوں میں گُلستانِ جوہر نے ہرا کر گروپ چیمپئن بننے کا اعزاز حاصل کیا۔ باسکٹ بال بوائز مقابلوں میں گلشن ِ اقبال نے گلستانِ جوہر اور سفاوی کو ہرا کر فائنل میں جگہ بنائی۔ ذیشان احمد، شیس احمد اور رافع انصاری نے عمدہ کارکردگی کا مظاہرہ کیا۔ تھرو بال میں بوائز کے مقابلوں میں گلستانِ جوہر نے گلشنِ اقبال اور سفاوی کو ہرا فائنل میں جگہ بنائی۔ ان مقابلوں میں انس جاوید، اسمان احمد اور تیمور علی نے عمدہ کارکردگی کا مظاہرہ کیا۔
فرمان الہی
نماز کے اوقات
