سندھ ہائیکورٹ نے سابق صدر آصف علی زرداری کے قریبی ساتھی غلام قادر مری اور دیگر کی گمشدگی سے متعلق دائر درخواست پرمحکمہ داخلہ سندھ کو جے آئی ٹی تشکیل دینے کا حکم دیتے ہوئے 18 مئی کو ایس ایس پی جامشورو کو طلب کرلیا۔
سندھ ہائیکورٹ میں دائر درخواست میں موقف اختیارکیا گیا ہے کہ غلام قادر مری 4 اپریل سے اپنے تین ملازمین سمیت لاپتا ہیں جن کا تاحال پتا نہیں چل سکا۔
درخواست میں مزید کہا گیا ہے کہ غلام قادر کینسر کے مریض ہیں، ان کی صحت کو نقصان بھی پہنچ سکتا ہے۔ دوران سماعت تفتیشی افسر نے کہا کہ جے آئی ٹی کے لیے محکمہ داخلہ سندھ کو خط لکھ چکا ہوں۔
عدالت نے معاملے کی تحقیقات کیلئے محکمہ داخلہ سندھ کو جے آئی ٹی تشکیل دینے کا حکم دیتے ہوئے 18 مئی کو ایس ایس پی جامشورو کو پیشرفت رپورٹ کے ساتھ طلب کرلیا۔
فرمان الہی
نماز کے اوقات
