گھوٹکی(نامہ نگار) کچے کے علاقے تھانہ آندل سندرانی کی حدود سے گزشتہ روز شام سندرانی برادی کے دو نوجوان اغوا کر لئے گئے۔ ایس ایس پی گھوٹکی نے ڈاکوؤں کے خلاف آپریشن کرکے دونوں نوجوانوں کو بازیاب کرالیا تفصیلات کے مطابق کچے کے علاقے تھانہ آندل سندرانی کی حدود سے بدھ کی شام سندرانی برادی کے دو افراد ہمت علی اور الطاف حسین سندرانی کو ڈاکوؤں نے بھینس سمیت اغوا کرلیا تھا جس کے بعد واقعہ کی اطلاع ملنے پر ایس ایس پی گھوٹکی مسعود احمد بنگش پولیس نفری کے ہمراہ موقع واردات پر پہنچے اور ڈاکوؤں کے خلاف آپریشن کیا۔ رات گئے تین گھنٹے پولیس مقابلے کے بعد پولیس نے دونوں نوجوانوں ہمت علی اور الطاف حسین سندرانی کو ڈاکوؤں کے چنگل سے بازیاب کرالیا۔ اس سلسلے میں ایس ایس پی گھوٹکی کے پی آر او افتخار حسین آرائیں نے صحافیوں کو بتایا کہ ایس ایس پی مسعود احمد بنگش کی قیادت میں پولیس نے ڈاکوؤں سے مقابلہ کرکے دو نوں نوجوانوں کو بھینس سمیت بازیاب کرالیا ہے۔
فرمان الہی
نماز کے اوقات
