فرمان الہی
نماز کے اوقات
اسلام آباد (اپنے نامہ نگار سے ) ملک کے مختلف علاقوں میں مون سون ہوائیں داخل ہو نےسے پنجاب اور خیبر پختونخوا سمیت کشمیر میں بارش کا نیا سلسلہ شروع ہو گیا ہے جو جمعرات تک وقفہ وقفہ سے جاری رہیگا، اتوار کوراولپنڈی میںشدید حبس اور گرمی کے بعد بعض مقامات پر موسلا دھار بارش ہوئی جس سےشام کو ٹھنڈی ہوائیں چلنے سے موسم خوشگوار ہو گیا جبکہ اس دوران پنجاب، بلوچستان ، خیبرپختونخوا میں بھی چند مقامات پر بارش ہوئی ، محکمہ موسمیات کے مطابق مون سون بارشوں کا سلسلہ دوبارہ شروع ہوگیا ہے جو جمعرات تک جاری رہے گا ، بدھ اور جمعرات کو زیادہ اچھی بارشوں کا امکان ہے تاہم آئندہ چوبیس گھنٹوں کے دوران راولپنڈی اسلام آباد سمیت لاہور ، گوجرانوالہ ، مالاکنڈ ، ہزارہ ، پشاور ، مردان ، کوہاٹ ، گلگت بلتستان، کشمیر میں بعض مقامات پر بارش کا امکان ہے۔
