ملتان (سٹاف رپورٹر،نمائندگان ) ملتان ودیگر شہروں میں حادثے،6افراد جاں بحق ہوگئے تفصیلات کے مطابق ملتان پولیس تھانہ شاہ شمس کے علاقے ڈیرہ محمدی روڈ پر تیز رفتار بس نے چودہ سالہ سائیکل سوار عثمان جوپنکچروں کی دکان پر کام کرتا تھاکو کچل ڈالا جس کو زخمی حالت میں نشتر منتقل کیا گیا مگر وہ جانبر نہ ہو سکا اور دم توڑ گیاپولیس نے مقدمہ درج کر کے بس قبضے میں لے لی ہےعلاوہ ازیں خانیوال ٹول پلازا کے قریب ایک شخص روڈ کراس کررہاتھا کہ ڈبل کیبن گاڑی کی ٹکر سے موقع پر جاں بحق ہوگیا دریں اثنا میاں چنوں نیشنل ہائی وے پر موسیٰ ورک کے قریب تیز رفتار کار نے موٹر سائیکل رکشہ کو ٹکر دی جس کے نتیجے میں رکشہ ڈرائیور وقاص سکنہ112پندرہ ایل شدید زخمی ہوگیا اور نشتر ہسپتال میں زخموں کی تاب نہ لاتے ہوئے دم توڑ گیا دوسراحادثہ نیشنل ہائی وے پر اقبال نگر کے قریب پیش آیا جس میں ٹریکٹر ٹرالی کی ٹکر سو تین موٹر سائیکل سوار شدید زخمی ہو گئے زخمیوں کو تحصیل ہسپتال میاں چنوں منتقل کیا گیا مگر ایک نوجوان صادق زخموں کی تاب نہ لاتے ہوئے راستے میں دم توڑ گیا ادھر رحیم یارخان قومی شاہراہ پر دوٹرکوں کے تصادم سے محمد پور لمہ کا 58سالہ ڈرائیور ریاض حسین موقع پر ہی دم توڑگیا اسی طرح گڑھ مہاراجہ موضع گدارہ چک عظمت کمال کا انتخاب حیدر موٹر سائیکل پر اپنے کزن قیس کے ہمراہ جا رہاتھا کہ بیل گاڑی سے ٹکر کے نتیجےمیں پندرہ سالہ انتخاب حیدر موقع پر جاں بحق اور قیس شدید زخمی ہو گیا۔بہاول پور سے مسافرخانہ آتے ہوئے شوگر مل کے قریب ٹریلر نے تین موٹر سائیکل سوار وں کو ٹکر ماردی کس سے 9 سالہ احسن موقع پر جاں بحق ہوگیا جبکہ اس کے والد محمد محسن اور بھائی شدید زخمی ہوگیا جنہیں بہاول وکٹوریہ ہسپتال منتقل کر دیا گیا ۔
فرمان الہی
نماز کے اوقات
