سرگودھا(نمائندہ جنگ)پی پی 32کی یونین کو نسلز کے نو منتخب لیگی صدور اور جنرل سیکرٹریز کا اجلاس ضلعی صدر چو ہدری شاہ نواز رانجھا کی زیر صدارت نجی کالج بھاگٹانوالہ میں منعقد ہوا جس میں پی پی 32کی تمام یو نین کو نسلوں کے صدور ،جنرل سیکرٹریزو دیگر عہدیداروں میں نوٹیفکیشن تقسیم کیے گئے ۔اجلاس سے خطاب کرتے ہوئے شاہ نواز رانجھا ،اسد اکرم کچھیلا ،ضلعی کوآرڈینیٹررائے حامد رضابھٹی نے کہا کہ عالمی استعمار اور یہو دیت کے زر خرید مُہرے پاکستان میں انتشار پیدا کر کے ملک کی ترقی کا راستہ روکنا چاہتے ہیں ۔سی پیک منصوبہ کو سبوتاژ کر نے کی سازش ہو رہی ہے لیکن اس مر تبہ سازشی ٹولے کی سازش کامیاب نہیں ہو نے دی جائے گی ۔پوری قوم نواز شریف کی پشت پر کھڑی ہے ۔آج بھی ملک کی مقبول ترین جماعت مسلم لیگ (ن) ہی ہے۔ن لیگ کی حکومت میں ملک ترقی کے زینے چڑھتا چلا جائے گا اورسازشیوں کے ہاتھ کچھ بھی نہیں آئے گا۔اس موقع پر پی پی 32کے آر گنائزر طارق وڑائچ ،محمود عالم بر کی ،ڈاکٹر شاہد محمود ،غلام رسول مانڈا محمد نواز جنجو عہ ودیگر بھی موجود تھے ۔
فرمان الہی
نماز کے اوقات
