فرمان الہی
نماز کے اوقات
ملتان( نمائندہ جنگ)مختلف واقعات میں 5عورتوں کو زیادتی کا نشانہ بناڈالا،4ملزموں کو گرفتار کر لیا گیاتفصیل کے مطابق نادیہ بی بی نے تھانہ سیتل ماڑی پولیس کو آگاہ کیا کہ مالک مکان فخر رات گئے اپنے نامعلوم ساتھی کے ساتھ گھر گھس آ گیا اور گن پوائنٹ پرزیادتی کی جبکہ اس کا ساتھی ویڈیو بناتا رہا جس پر پولیس نے مقدمہ درج کر کے کارروائی شروع کر دی ہے، لیاقت آباد کی رہائشی عاصمہ بی بی نے پولیس تھانہ گلگشت پولیس کو آگاہ کیا کہ معروف نامی شخص سکول میں نوکری دلوانے کا جھانسہ دے کر لودھی کالونی چوک میں واقع ایک سکول میں لے گیا اور زیادتی کا نشانہ بنا ڈالا جس پر پولیس نے گرفتار کر کے مقدمہ درج کر لیا۔
جھوک لشکر کی رہائشی حفیظاں مائی نے بتایا کہ وہ خاوند سے روٹھ کر آگئی اور نیوملتان میں اس کے مکان پر خاوند کا دوست غلام یاسین آیا اور اسےزبردستی زیادتی کا نشانہ بناڈالا ۔ نواب پور کے اقبال نے پولیس کو آگاہ کیا کہ اس کی بیٹی پلوشہ گھر میں اکیلی تھی کہ فخر عباس، شبیر اور شریف آ گئے اس کی بیٹی کو کار میں اغوا کر کے لے گئے باغ والا میں مکان میں لے جا کر اجتماعی زیادتی کا نشانہ بنایا جس پر پولیس نے مقدمہ درج کر کے3ملزموں کو گرفتار کر لیا ہے 29سالہ رقاصہ شاہین شہزادی جو تین بچوں کی ماں ہے نے پولیس کو آگاہ کیا ہے کہ اسےپروموٹرنے ڈانس کیلئے بلایا بعد ازاں اس کے ساتھ عامر راشد، شہباز وغیرہ نے زیادتی کی ہے پولیس نے مقدمہ درج کر کے تفتیش شروع کر دی ہے اور ملزمان کی تلاش میں چھاپے مارے جا رہے ہیں ۔
