فرمان الہی
نماز کے اوقات
کراچی (اسٹاف رپورٹر) سرسید یونیورسٹی نے ورچوئل یونیورسٹی کو شکست دیکر جشن آزادی ٹیبل ٹینس سیریز جیت لی۔ یونیورسٹی کے جمنازیم ہال میں منعقدہ سیریز میں سرسید یونیورسٹی اور ورچوئل یونیورسٹی کی دو دو ٹیموں نے حصہ لیا، سیریز کے پہلے میچ میں سرسید کی ٹیم( اے) نے مخالف جامعہ کی ٹیم (اے) کو با آسانی 3-0 سے شکست دی۔ فاتح ٹیم کے سلطان، احمد فاروق، محمد شاہ زیب نے عمدہ کارکردگی دکھائی۔ علیگڑھ انسٹیٹیوٹ آف ٹیکنالوجی کے کنوینیئر انجینئر انورعلی نے سرسید یونیورسٹی کے رجسٹرار ریٹائرڈ کموڈور سید سرفراز علی ستارہ امتیاز (ملٹری) کے ہمرہ کھلاڑیوں میں انعامات تقسیم کئے۔ مہمان خصوصی کا کہنا تھا کہ یوم آزادی ہمیں عظیم قربانیوں کا درس دیتی ہے۔ہمیں آزادی کی قدر کرنی چاہئے اور اپنے ملک کی کامیابی کیلئے دعائؤں کے ساتھ جدوجہد بھی کرنی چایئے، اس موقع پر انہوں نے سیریز میں حصہ لینے والے تمام طلبہ و طالبات کو مبارکباد دی اور نصابی سرگرمیوں کیساتھ غیر نصابھی سرگرمیوں میں بھی بڑھ چڑھ کر حصہ لینے کا در س دیا۔
