فرمان الہی
نماز کے اوقات
تحریک انصاف کی رہنما شیریں مزاری نے عائشہ گلالئی کے الزامات کی تحقیقات کیلئے بنائی جانے والی اخلاقیات کمیٹی کو مسترد کرتے ہوئے اسپیکر قومی اسمبلی کو خط لکھا ہےکہ سیاسی مخالفین پر مشتمل کمیٹی سے انصاف کی توقع نہیں ہے۔
شیریں مزاری نے خط میںلکھا ہے کہ عائشہ گلالئی کے الزامات کی غیرجانبدارانہ تحقیقات چاہتے ہیں، برطانوی پارلیمنٹ کی طرح آزادانہ پارلیمانی کمشنر مقرر کیا جائے۔
خط کے متن کے مطابق آزادانہ پارلیمانی کمشنر ممبران پارلیمنٹ اور کوڈ آف کنڈکٹ سے متعلق امور خود دیکھے تاہم پارلیمان کی تحقیقاتی کمیٹی قبول نہیں۔جانبدار کمیٹی سیاسی مخالفین کے خلاف استعمال ہوگی۔
خیال رہے کہ پی ٹی آئی کی منحرف رہنما عائشہ گلالئی نے یکم اگست کو پریس کانفرنس کے دوران عمران خان پر سنگین الزامات عائد کرتے ہوئے کہا تھا کہ تحریک انصاف میں خواتین کی عزت محفوظ نہیں اور عمران خان انہیں نازیبا پیغامات بھی بھیجے ہیں۔
