کوئٹہ (اسٹا ف رپورٹر) کراچی کی جامعات کے 400طلباء و طالبات کا قافلہ یوم آزادی تقریبات میں شرکت کے لئے 12اگست کو خضدار پہنچے گا، پاک آرمی کی جانب سے استقبالیہ دیا جائیگا تفصیلات کے مطابق 7اگست سے 15اگست تک کوئٹہ میں جشن آزادی تقریبات کا انعقادکیا جارہاہے ، اس موقع پرکوئٹہ ہی میں قومی سطح پر ’’کاروان یکجہتی‘‘ایونٹ کا اہتمام بھی کیا گیا ہے جس میں ملک بھر کی جامعات سے 1500طلباء و طالبات ایونٹ میں شرکت کررہے ہیں۔ کراچی سے بھی چار سو طلباء اس ایونٹ میں شرکت کریں گے ۔طلباء و طالبات کا یہ قافلہ 12اگست کوخضدار پہنچے گا جہاں خضدار کینٹ میں پاک آرمی کی جانب سے ’’کاروان یکجہتی‘‘ میں شرکت کرنے والے طلباء کے لئے استقبالیہ دیا جائیگا اور تقریب کا اہتمام کیا جائیگا ۔ بعدازاں کراچی کے طلباء اوربلوچستان یونیورسٹی آف انجینئرنگ اینڈ ٹیکنا لوجی خضدار کے طلباء اس قافلے میں شامل ہونگے۔
فرمان الہی
نماز کے اوقات
