فرمان الہی
نماز کے اوقات
راولپنڈی (نمائندہ جنگ) سابق وزیراعظم میاں نواز شریف کی مری روڈ سے گزرنے والی ریلی کے دوران شرکاء کے پائوں میں آ جانے کے باعث میٹرو ٹریک کے نیچے مری روڈ پر لگے پودوں کو بری طرح سے نقصان پہنچا ہے ،25فیصد پودے تباہ ہو گئے ہیں ، ڈائریکٹر ہارٹیکلچر پی ایچ اے شیخ طارق نے بتایا کہ کمیٹی چوک میں 15 کیاریاں مکمل طور پر تباہ ہو گئی ہیں جبکہ مری روڈ پر مجموعی طور پر 25 فیصد پودے تباہ ہوئے ہیں ،ا انہوں نے بتایا کہ پی ایچ اے کے فیلڈ سٹاف نے جمعرات کی صبح مری روڈ پر لگے پودوں کا معائنہ کیا گیا تو پتہ چلا کہ پچیس فیصد پودے ریلی کے دوران تباہ ہوئے ہیں ،نہوں نے کہا کہ کوشش کی جائے گی کہ ان پودوں کی بحالی ہو سکے اگر نہ ہو سکی تو نئے پودے لگائے جائیں گے تاکہ مری روڈ گرین بیلٹ کو اسی طرح ہی بحال رکھا جاسکے۔
