فرمان الہی
نماز کے اوقات
مونٹریال (جنگ نیوز ) راجرز ٹینس کپ میںہسپانوی اسٹار رافیل نڈال کو کینیڈا کے ڈینس شپالووا کے ہاتھوں اپ سیٹ شکست کا سامنا کرنا پڑا۔ 18 سالہ شپالووا نے نڈال کو 3-6، 6-4، 7-6سے زیر کیا ۔ ڈینس شپالووا کو راجرز کپ میں وائلڈ کارڈ انٹری ملی تھی ۔ مونٹریال میں سجے ٹینس کے میلے راجرز کپ میںمردوں کے سنگلز مقابلوں کے دوسرے رائونڈ میں الیگزینڈر زیوریونے سربیا کے نک کریگوس کو 6-4،6-3سے ہرایا ۔
دیگر مقابلوں میں امریکا کے سیم کیوری کو جنوبی افریقا کے کیون اینڈریسن نے 6-4، 6-1، راجر فیڈرر نے ہسپانوی پلیئر ڈیوڈ فیئررکو 4-6، 6-4، 6-2سے زیر کیا ۔گریگور دمتروف کو نیدر لینڈ کے روبن ہیس نے 7-6، 4-6، 6-1سے ہرایا۔ خواتین کے سنگلز مقابلوں کے دوسرے مرحلے میں اسپین کی گاربائن مگاروزا نے ایشلے بارٹی کو 6-0، 3-6، 6-2سے شکست دی ۔ دیگر مقابلوں میں اینجلیک کربر کو سلوئین اسٹیفن نے 6-2، 6-2، جبکہ ایلینا سیوتلانا نے امریکا کی وینس ولیمز کو 6-2،6-1سے زیر کر کے فتح حاصل کی ۔
