فرمان الہی
نماز کے اوقات
چیئرمین سینیٹ میاں رضا ربانی نے وائس چانسلر جامعہ کراچی کو خط لکھا ہے جس میں انہیں نصاب کا از سر نو جائزہ لینے اور سینیٹ کی قرارداد کے مطابق طلبہ تنظیمیں بحال کرنےکا مطالبہ کیا ہے۔
چیئرمین سینیٹ کی جانب سے جامعہ کراچی کے وائس چانسلر پروفیسر ڈاکٹر محمد اجمل خان کو لکھے گئے خط کے متن میںکہاگیا ہے کہ تشویش ہوئی کہ یونیورسٹی طلبہ کا ریکارڈ انٹیلی جنس ایجنسیوں کو دیا جائے گا، طلبہ کو داخلے کے وقت مقامی پولیس اسٹیشن سے کریکٹر سرٹیفکیٹ بھی لینا ہو گا،دونوں ادارے ریاست کے سخت ادارے ہیں۔
خط میں کہا گیا ہے کہ ان اداروں سے طلبہ کے رابطے کے باعث طلبہ میں بےچینی بڑھے گی، نوجوانوں میں انتہا پسندی اور تشدد کو روکنے کے لئے اقدامات کرنا ہوں گے۔
سینیٹر نے خط میں لکھا کہ ادبی اور تعلیمی سرگرمیوں سے ایک مختلف موقف جنم لے گا،انہوں نے امید ظاہر کی کہ امید کرتاہوں کہ آپ میرے نقطہ نظر کی روشنی میں بہتر فیصلہ کریں گے۔
