فرمان الہی
نماز کے اوقات
وفاقی وزیر خزانہ اسحاق ڈار پر آمدن سے زائد اثاثہ جات ریفرنس میں آج فرد جرم عائد کی جائے گی۔ احتساب عدالت نے ملزم کو بھی طلب کر رکھا ہےجبکہ فرد جرم عائد ہونے کے بعد ٹرائل کا باقاعدہ آغاز ہو جائے گا۔
وفاقی وزیر خزانہ اسحاق ڈار کے خلاف اثاثہ جات ریفرنس کی چوتھی سماعت آج 27 ستمبر کو اسلام آباد کی احتساب عدالت میں ہو گی۔ ملزم اسحاق ڈار پر فرد جرم عائد کی جانا ہے جس کے بعد ٹرائل کا باقاعدہ آغاز ہو جائے گا۔
یہ بھی پڑھیے: اثاثہ جات ریفرنس: اسحاق ڈار پر بدھ کو فرد جرم عائد کی جائے گی
عدالت نے 25 ستمبر کی گزشتہ سماعت پر ملزم کو 23 جلدوں پر مشتمل ریفرنس کی نقول فراہم کر کے وصولی کی رسید پر دستخط کرائے تھے۔
اس کے بعد عدالت نے ملزم کے وکیل کی جانب سے ریفرنس کے جائزے کے لیے کم از کم 7 دن دینے کی استدعا مسترد کردی تھی اور فرد جرم عائد کرنے کے لیے 27 ستمبر یعنی آج کی تاریخ مقرر کی تھی۔
نیب ریفرنس میں کہا گیا ہے کہ سپریم کورٹ کی آبزرویشن کے مطابق اسحاق ڈار اور ان کے اہل خانہ کے831 ملین روپے کے اثاثے ہیں جو مختصر مدت میں 91 گنا بڑھےاور ان سب کا ٹرائل کرپشن الزامات کے تحت کیا جائے گا۔
