کراچی(اسٹاف رپورٹر)پاکستانی ہاکی ٹیم کے کپتان محمد عرفان نے کہا ہے کہ کوشش ہوگی کہ ایشیا کپ ہاکی ٹور نامنٹ کا فائنل کھیلیں،ڈھاکا میں میڈیا سے بات چیت کرتے ہوئے انہوں نے کہا کہ سپر فور مر حلے میں ایشیا کپ کے ابتدائی میچوں کی غلطیوں کا ازالہ کریں گے، ٹور نامنٹ میں اب تک ہم نے ہر میچوں میں گول کے مواقع ضائع کئے ہیں جس کی وجہ سےہمیں بھارت کے خلاف ناکامی ہوئی اور جاپان کے خلاف ہم میچ جیت نہیں سکے، انہوں نے بھارت کے خلاف میچ میں پنالٹی کارنر پر گول بنانے کے چند اچھے مواقع ضائع ہوئے ۔ محمد عرفان کے مطابق میچ میں دفاعی کھلاڑیوں نے اچھے کھیل کا مظاہرہ کیا اور بھارتی فارورڈز کو زیادہ کھل کر کھیلنے کا موقع نہیں دیا۔اس میچ میں ہارکے باوجود وہ اپنے کھلاڑیوں کی کارکردگی پر خوش اور مطمئن ہیں ۔
فرمان الہی
نماز کے اوقات
