نیویارک: حملہ آور نے ٹرک چڑھا کر 8 افراد کو ہلاک کردیا

01 نومبر ، 2017

نیویارک کےاقتصادی مرکز مین ہیٹن میں حملہ آور نے سائیکل ٹریک اور راہ گیروں پرپک اپ ٹرک چڑھا دیا جس سے 8 افراد ہلاک اور 15 زخمی ہوگئے۔ ہلاک ہونے والوں ارجنٹائن کے پانچ اور بیلجیم کا شہری بھی شامل ہے۔

نیو یارک پولیس نے حملہ آور کی شناخت ظاہر نہیں کی تاہم اس کی عمر 29 سال بتائی جاتی ہے۔

امریکی میڈیا نے دعویٰ کیا ہے کہ حملہ آور ازبک شہری سیف اللہ سائیپوف جو 2010 میں امریکا آیا تھا ۔

ذرائع کا بتانا ہے کہ سائیکل سواروں اورراہ گیروں کو کچلنےکے بعد کچھ بلاکس دور جاکر حملے میں استعمال ہونے والی پک اپ ایک کار اور اسکول بس سے ٹکرا کر رک گئی۔ حملے میں 2 بچوں سمیت 4 افرا د زخمی ہوئے۔

جائے وقوعہ پر موجود لوگوں کا بتانا ہے کہ گاڑی مزید چلنے کے قابل نہ رہی تو حملہ آور چھرے والی بندوق اور ایک پینٹ بال گن لیے کار سےاتر کر بھاگا، اس موقع پر پولیس نے فائرنگ کرکے اُسے زخمی کیا اور حراست میں لے لیا۔

امریکی میڈیا کے بتانا ہے کہ ملزم نے اوہائیو، فلوریڈا میں رہائش اختیار کی اور ان دنوں نیوجرسی میں مقیم تھا۔ اس کے نام پر 2 پک اپ وین رجسٹرڈ تھیں اور وہ ٹیکسی چلاتا تھا۔