کوہاٹ(این این آئی) ٹنل کے قریب ٹریفک حادثے میں میاں بیوی سمیت تین مسافرجاں بحق اور 13زخمی ہوگئے۔حادثہ مسافر فلائنگ کوچ اور پک اپ گاڑی کے مابین روڈ پھسلن کے باعث پیش آیا۔زخمیوں میں خواتین اور بچے بھی شامل ہیں ۔تفصیلات کے مطابق کرم ایجنسی کے صدر مقام پارا چنار سے پشاور جانیوالی مسافر فلائنگ کوچ نمبر کوہاٹ انڈس ہائی وے پر ٹنل کے قریب مخالف سمت سے آنیوالی پک اپ گاڑی نمبر سے ٹکرا گئی جسکے نتیجے میں غلام حسین ولد گل نور ،اسکی بیوی اور عبدالمالک ولد نوررحمان ساکنان باڑا خیبر ایجنسی موقع پر جاں بحق ہوگئے جبکہ حادثے کے وقت دونوں گاڑیوں میں سوار 13مسافر مسماۃ شیرینہ بی بی،ذولیخہ بی بی،محبوب ساکنان خیبر ایجنسی میوہ بی بی،کشور سلطان، باقر حسین،ظہیر علی،جاوید حسین،مسماۃ ارم ،مسماۃاقبال نساء،معراج ولی اور صابر حسین ساکنان پاڑا چنار زخمی ہوگئے۔حادثے میں جاں بحق افراد کی میتیں اور زخمیوں کو کوہاٹ ڈویژنل ہیڈ کوارٹر کے ڈی اے ہسپتال لایا گیا جہاں پوسٹ مارٹم کے بعد جاں بحق افراد کی میتیں لواحقین کے حوالے کرکے آبائی علاقوں کو روانہ کردی گئی جبکہ زخمیوں کو ہسپتال داخل کرادیا گیا۔ادھر پولیس تھانہ محمد ریاض شہید نے حادثے کا شکار دونوں گاڑیاں تحویل میں لیکر واقعے کا مقدمہ درج کرکے تفتیش شروع کردی ہے۔
فرمان الہی
نماز کے اوقات
