کراچی (شکیل یامین کانگا / اسٹاف رپورٹر) پاکستان فٹ بال فیڈریشن کی کانگریس کے رکن علی بہار بروہی نے کہا ہے کہ قائد اعظم ڈپارٹمنٹل فٹ بال ٹورنامنٹ نے ملکی فٹ بال میں نئی روح پھونک دی ہے، اس ٹورنامنٹ کے شاندار انعقاد سے کئی بے روزگار نوجوانوں کو روز ملا ہے۔ ٹورنامنٹ کا پہلا سیمی دو ٹاپ فیورٹ ٹیموں کے آر ایل اور سوئی سدرن گیس کمپنی کے درمیان جمعرات کو کھیلا جارہا ہے۔ فٹ بال مبصرین اس سیمی فائنل کو ہی فائنل قرار دے رہے ہیں۔ جنگ سے باتیں کرتے ہوئے علی بہار بروہی کا کہنا تھا کہ پاکستان فٹ بال فیڈریشن کی اجازت سے کھیلے جانے والے ٹورنامنٹ میں پورے ملک کی ڈپارٹمنٹس کی ٹیموں نے شرکت کرکے اس بات کا ثبوت دیدیا ہے کہ وہ فٹ بال کی بقاء کیلئے کسی کی دھونس دھمکی میں نہیں آئیں گے۔ ٹورنامنٹ سے کئی نئے کھلاڑی سامنے آئے ہیں انہیں بھاری معاوضوں پر مختلف محکمہ جاتی ٹیموں نے شامل کرلیا ہے۔ ہم سمجھتے تھے کہ کے آر ایل اس ٹورنامنٹ کی ٹاپ ٹیم ہوگی لیکن سوئی سدرن گیس کمپنی نے اس ٹورنامنٹ میں شاندار کارکردگی کا مظاہرہ کیا اور میں سمجھتا ہوں کہ وہ ٹورنامنٹ میں جیت کی روایت برقرار رکھے گی۔ خیال رہے کہ ٹورنامنٹ کا دوسرا سیمی فائنل جمعہ کو کے پی ٹی اور مسلم ٹریڈنگ کمپنی چمن کے درمیان ہوگا۔
فرمان الہی
نماز کے اوقات
