فرمان الہی
نماز کے اوقات
پی ٹی آئی آج شیخوپورہ میں اپنی عوامی طاقت کا مظاہرہ کرنے جا رہی ہے۔تحریک انصاف کےکارکن شیخوپورہ کرکٹ اسٹیڈیم میں اپنے قائد عمران خان کو خوش آمد ید کہنے کے لئے تیار ہیں۔
جلسہ گاہ کی تیاری کے لیے کئی درخت کاٹنے پڑے، اسٹیج بن گیا اور لائٹیں بھی لگا دی گئیں۔
پی ٹی آئی سینٹرل پنجاب کے نائب صدر کنور عمران سعید کے مطابق 20 ہزار کرسیاں لگائی گئیں ہیں۔ تاہم کرکٹ اسٹیڈیم ٹرسٹ ذرائع کا کہنا ہےکہ جلسہ گاہ کی تیاری کے لیے کئی قدیم درخت کاٹ دیے گئے ۔
جلسے میں آنے والے کارکنوں کے لئے جگہ جگہ پارٹی پرچم اور کیپس کے اسٹالز لگا دیے گئے ہیں، ساتھ ہی کسی نا خوشگوار واقعے سے بچنے کے لئے جلسہ گاہ کی سیکورٹی کے انتظامات بھی فول پروف بنا دیے گئے ہیں۔
ملک کے دیگر حصوں سے بھی تحریک انصاف کے کارکنوں کی آمد کا سلسلہ جاری ہے،پی ٹی آئی کے قائد ہیلی کوپٹر کے ذریعے جلسہ گاہ پہنچیں گے۔
