گھوٹکی (نامہ نگار) واپڈا کا بجلی چوروں اور ناہندگان کے خلاف گرینڈ آپریشن، سیکڑوں غیر قانونی کنکشنز منقطع کر کے 10 دیہات کے ٹرانسفارمز اتار لیے گئے۔ لاکھوں روپے بقایاجات کی وصولی، صارفین پر لاکھوں روپوں کے بقایاجات ہیں بجلی کی چوری کسی صورت برداشت نہیں کی جائیگی۔ ایکسیئن سیپکو احمد علی شیخ تفصیلات کے مطابق گھوٹکی میں واپڈا نے بجلی چوروں اور نادہندگان کے خلاف ایکسیئن احمد علی شیخ ، ایکٹنگ ایس ڈی او ٹو محمد رمضان ملک ، ایل ایس ولی محمد ابڑو ، امجد حسین لائن اسٹاف اور دیگر عملے کے ہمراہ مختلف محلوں اور دیہات میں آپریشن کرکے سیکڑوں غیر قانونی کنکشز منقطع کر دیئے اور تار ضبط کرلیں۔ اس سلسلے میں ایکسیئن سیپکو گھوٹکی احمد علی شیخ نے بتایا کہ صارفین پر لاکھوں روپےکے بقایاجات ہیں جس کی ریکوری کے لیے آپریشن کیا جارہا ہے۔ آپریشن کے دوران بجلی چوری کرنے والے دس دیہات کے ٹرانسفارمر اتارلیے ہیں۔ انہوں نے کہا کہ بقایاجات کی مد میں 7 لاکھ روپے کی وصولی بھی کی گئی ہے۔ انہوں نے کہا کہ بجلی کی چوری کسی صورت برداشت نہیں کی جائیگی۔ صارفین سے اپیل کرتے ہیں کہ واجبات کی ادائیگی مقررہ وقت پر کی جائے تاکہ بجلی کی فراہمی ہوسکے بصورت دیگر بجلی منقطع کرنے کے علاوہ سخت کارروائی عمل میں لائی جائیگی۔
فرمان الہی
نماز کے اوقات
