فرمان الہی
نماز کے اوقات
چیف جسٹس پاکستان جسٹس ثاقب نثار نے ریمارکس دیئے ہیں کہ لوگ کہتے ہیں کہ میں خیر دین اور محمد دین کے کیس بھول گیا ہوں، ایسا نہیں ہے، ہفتے اور اتوار کو بھی عدالت لگا کر 6 ماہ میں سب کچھ ٹھیک کر دیں گے۔
سپریم کورٹ لاہور رجسٹری میں پبلک سیکٹر یونیورسٹیوں سے غیر معیاری پرائیویٹ کالجوں کے الحاق کیس کی سماعت ہوئی۔
چیف جسٹس ثاقب نثار نے استفسار کیا کہ پبلک سیکٹر یونیورسٹیوں سے کتنے کالجز نے الحاق کیا ہے ،حلف نامے داخل کرائے جائیں۔
چیف جسٹس نے لاہور ہائیکورٹ میں زیر سماعت کیس کی تفصیلات بھی طلب کرلیں ، انہوں نے ریمارکس دیئے کہ کسی بھی ملک کی ترقی کے لیے تعلیم ضروری ہے ،لوگ کہتے ہیں کہ میں اس کام میں لگ کر خیر دین اور محمد دین کے کیس بھول گیا ہوں، جبکہ ایسا نہیں ہے۔
کیس کی مزید سماعت 20 جنوری تک ملتوی کر دی گئی ۔
