لاہور (جنرل رپورٹر ) پنجاب حکومت نے تقرر و تبادلوں کے احکامات جاری کئے ہیں ۔گزشتہ روز جاری ہونے والے نوٹیفکیشن کے مطابق تقرری کی منتظر مس شائستہ شہریار کو ایڈیشنل ڈپٹی کمشنر (ریونیو) جہلم اور مس نیلم سلطان خٹک کو ایڈیشنل ڈپٹی کمشنر ( جنرل) جہلم تعینات کردیا گیاہے۔ اسسٹنٹ کمشنر ( سٹی ) راولپنڈی مس ملیحہ جمال کو ایڈیشنل ڈپٹی کمشنر ( جنرل) راولپنڈی ، اسسٹنٹ کمشنر صدر فیصل آباد مہر محمد نواز کو تبدیل کرکے ایڈیشنل ڈپٹی کمشنر ( فنانس اینڈ پلاننگ) اٹک، اسسٹنٹ کمشنر فتح جنگ مس کنول بتول کو ایڈیشنل ڈپٹی کمشنر ( جنرل) اٹک ، اسسٹنٹ کمشنر منکیرہ محمد اکبر کو اسسٹنٹ کمشنر خانپور ٹامیوالی، اسسٹنٹ کمشنر خانپور ٹامیوالی آفتاب حسین کو اسسٹنٹ کمشنر منکیرہ ،سیکریٹری ڈسٹرکٹ روڈ ٹرانسپورٹ اتھارٹی گوجرانوالہ فیصل عباس کو اسسٹنٹ کمشنر وزیر آباد اور اسسٹنٹ کمشنر پھالیہ افتخار حسین بلوچ کو تبدیل کرکے اسسٹنٹ کمشنر خوشاب تعینات کیا گیا ہے۔ سیکشن آفیسر وزیر اعلیٰ سیکریٹریٹ مس کنول شبیر کی خدمات نئی تقرری کیلئے ڈپٹی کمشنر لاہور کے سپرد کر دی گئی ہیں۔ نوشہرہ ورکاں سےنامہ نگار کے مطابق ڈپٹی ڈائیریکٹر محکمہ زراعت نوشہرہ ورکاں محمد افتخار کو ڈی او محکمہ زراعت سیالکوٹ تعینات کردیا گیاہے ۔
فرمان الہی
نماز کے اوقات
