آپ آف لائن ہیں
بدھ 8؍ شعبان المعظم 1439ھ 25؍ اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x
Protest Against Kasuri Incidentin Karachi Traffic Jam On Sharaf Faisal

پنجاب کے شہر قصور میں بچی کے ساتھ زیادتی اور قتل کے واقعے کے خلاف کراچی کی مصروف ترین سڑک شارع فیصل پر شہریوں نے احتجاج کیا جس کی وجہ سے شارع فیصل کئی کلومیٹر کے علاقے میں ٹریفک شدید جام ہوگیا۔

شارع فیصل کراچی کی مرکزی شاہراہ ہے، شہر میں کام ختم کرکے گھروں کو جانے والے افراد کی بڑی تعداد شام کے اوقات میں جس کے اپ ٹریک پر سفر کرتی ہے اور اس سڑک پر ٹریفک کا شدید دباؤ ہوتا ہے، ایسے وقت میں شارع فیصل پر عوامی مرکز کے قریب مظاہرین نے قصور کے واقعے کے خلاف احتجاج کیا۔

x
Advertisement

ٹریفک پولیس کنٹرول کے افسر انسپکٹر الیاس نے بتایا کہ مظاہرے کے باعث شارع فیصل پر کئی کلومیٹر تک گاڑیوں کی قطاریں لگی گئیں ،شہریوں کی بڑی تعداد کئی گھنٹے تک سڑک پر پھنسےرہے۔

شدید ٹریفک جام کے باعث بلوچ کالونی اور اطراف کے علاقے میں ٹریفک جام رہا، شہر سے ایئرپورٹ کی طرف جانے والے ٹریک پر مظاہرین نے قبضہ کیے رکھا۔

ٹریفک جام کے سبب صدر تک کے علاقے متاثر ہوئے ،شاہراہ قائدین اور کورنگی روڈ پر بھی ٹریفک کا شدید دباؤ بڑھ گیا،اس دوران ایئرپورٹ سے شہر کی طرف آنے والا ٹریک کھلارہا۔

شارع فیصل پر کئی گھنٹے بعد احتجاج ختم اور عوامی مرکز کے قریب ٹریفک بحال کرا دیا گیا، تاہم ٹریفک حکام نے صدر تک ٹریفک کا شدید دباؤ ہونے کے باعث بہتری میں مزید ایک گھنٹہ لگنے کا امکان ظاہر کیا ہے۔

​​
Chatاپنی رائے سے آگاہ کریں